|
之前訂了幾次都不成功，不是未取信用咭驗證就是入錯資料，送出幾次仍然是錯誤，擔心錯誤之餘還要打電話到發咭公司查紀錄，搞了個多星期終於搞定，雖然貨品還沒收到（更新：已收），卻發現一樣好玩紀錄。由沈陽運到香港，運費也只不過是 $45，我不熟識中國地理，但看到運送途徑及時間，沈陽跟香港應該是蠻遠蠻轉接的吧！ 近來又有新目標，但會訂的可能性很低，始終價錢並不便宜，這款激光脫毛器，在Ｙ拍要 $2200，在淘寶只需一半價錢（所以在淘寶拍東西回來轉售應該真的有利可圖），不是不相信淘寶的可靠性，是我對這件用品的實用性有質疑，在美容院做一次療程要萬多元，一支家用器只是五份一價錢，好像太兒嬉，所以不敢試。 有沒有人試過啊？請告訴我，就算和雲妹兩份也超划算！
| 生活::敗家身外物 | comments (7) |
|
 留言
>>圓柱體，
不用的，打電話去客戶服務部就可以。 放心，我不會罵你的啊！我也是這樣的人，不是村不村姑啦，而是我本人比較小心眼，不大信任網絡的安全性而一直不在網上訂購，但訂過淘寶又好像ｏｋ！你也可以一試啦！
| 雲 | mail | url | 2009/03/03 22:09 |
你真好人!
想問咩係"你先要去發咭銀行開通大個網上資料"呀? 係咪要親自去發咭銀行走一轉架! p.s. 雖然我都叫做一個中環OL,但我真係好鄉姑架,所以好驚上網比credit card買野架! 連paypal都唔知點用架. (你即管大鬧.....有無攪錯啦!) :p
| 圓柱體 | mail | url | 2009/02/26 11:10 |
＞＞卓希媽，
其實未訂野之前我根本唔知佢地分好多間店，以為隨便訂就得，依家就知啦！而且我再 search 我個鍵盤墊，買貴左好多呢，成十蚊呀！要黎比運費都好丫！ ＞＞圓柱體鄉民， 申請個戶口唔難，你慢慢逐步試就可以。要用信用咭無錯，你先要去發咭銀行開通大個網上資料，之後就可以用咭在網上訂野架啦，記住只有 visa，不過我覺得淘寶個系統都安全的，所以不用怕。 有唔明可以再問，我唔答卓希媽都會答，呢樣我唔夠佢熟！
| 雲 | mail | url | 2009/02/25 15:32 |
見你兩位媽媽玩得咁高興,攪到我都心思思想試下.
請問開戶口是否要比credit card no.? 定係可以預先係hk入定d 錢落個戶口,之後慢慢扣數架? 可唔可以詳細d 講個開戶口& 訂貨steps 呀!! (城市中的鄉姑上)
| 圓柱體 | mail | url | 2009/02/25 10:28 |
所以我教你要係一間到睇哂自己想要的嘢，一次過訂的話，運費先化算！慢慢玩吓啦！遲d會好似我咁，乜鬼嘢都上網到訂。妹妹的裙仔都只係$28咋！哈哈哈！
| 卓希媽 | mail | url | 2009/02/24 22:28 |
＞＞卓希媽，
對，我真係唔鍾意煩人，呵 剛剛我又買了五十幾蚊野！哈哈～癡Ｑ線，買了差不多十件小物才四十元，最貴的是十元運費，都幾好笑！
| 雲 | mail | url | 2009/02/24 16:14 |
我都一早話你一定會開個淘寶戶口啦，以我清楚你的性格，你又點會再煩多我一次。
記得記得要用順豐運嚟香港，佢最好，可以送上門，千祈千祈唔好用中國乜乜，同順豐一樣價錢但係送上門要加錢的！ 買咗乜嘢，記得post上嚟！
| 卓希媽 | mail | url | 2009/02/23 21:52 |
|
